كلمات الشاعرة:ام هاشم العيسوي
متابعة: ممدوح السنبسي
طب قوليلي إمته هبطل اعشقك
ازاي وانا من نظره قلبي سلم
وازاي وانا من اشاره بصدقك
شايفه الحب في عيونك من غير ما تتكلمي
انا مش هحب فيكي بكلمات اغاني
وانا قلمي نفسه بيسبق فكري ووجداني
دا انا في حبك تلميذه يادوب بتعلم
ومهما الف انتي وان بيس ومفيش زيك تاني
لو ف نظر العالم بسيطه كفايه في حبك استاذ
دايبه فيكي وبدون وعي مسلمه
وتغور الدنيا فداكي وما فيها من ملاذ
يا ست قلبي انا عمري من غيرك مش هيتعاز
السطور في حبك مش كفايه
وعيوني لو كمان قولتي كمليها
دا عشقي ليكي كان البدايه
والهموم لو تكتر متشيليش في وجودي حمل ليها
تنادي انتي وأبدع انا والدنيا تسمع
والفرحة بوجودك في قلبي بالكون
دا عيوني وقت ما ينذكر اسمك بتلمع
وايه يعني لو وصفوني في حبك بالمجنون
الدنيا لو اجبهالك انتي دي شويه عليكي
يا قمر بينور ليالي كتير كانت قبليكي مضلمه
انا محتاره اكتب ايه ولا ايه فيكي
وانتي في الحب بتشديني يا ملهمه
طب قلبك يحكم عليا ازاي اكون قمر حياتك المنور
وانتي واخده قلبي ومشتته كياني
لو كنت في خيالي عنك بتصور
مكنتش الناس عن قصة حبي ليكي هتنساني
لو هوصفك بحق ربنا انتي الجمال فعلا كله
وتدور بيا الايام وافضل اشهد بكدا
دا الحلو بتزيد حلاوته ولازم اعترف واقوله
ربنا يحميك يا حلو من عيون كل العدا
كنوز الدنيا ولا تغلي عليك يا سيدي
إمته أملي عنيا واخدك في أحضاني
يوم لقانا هيكون بجد عيدي
وقلبك ساكن فيه انا ودا للي يسأل عنواني
كلماتي/أم هاشم العيسوي
