صوره واقعيه من الافراح الشعبيه
………………………………فرح………………..
فرح فرح فرح
الليله ليله ليله
الليله وحبايب العيله
وياللى معانا نورتوا الليله
الليله حلوه وقاعده جميله
…….. ……. ……..
ودى عيله القط وعيله الفار
ابوطبله والزمار
ابو دقمه وابو قردان
عيله الحافى والعريان
ويالى معانا نورتوا الليله
الليه حلوه وقاعده جميله
……… …….. ……
حسن حريقه وحمكشه
سيد طريحه ذكى بشله
احمد سيكه على وزه
حلمبوحه وابو رزه
وياللى معانا نورتوا الليله
الليله حلوه وقاعده جميله
…… ……. …… ….
ناس داخله وناس طالعه
ناس واقفه وناس قاعده
ناس سامعه ومش سامعه
ناس مبسوطه مع ولعه
وياللى معانا نورتو الليله
الليله حلوه وقاعده جميله
……. ……. ……….
ناس بتغنى وصوتها ياباى
وناس بترقص ماعرفش ازاى
ناس تتخانق وناس بتحوش
وناس بتاكل وناس ماكلوش
وياللى معانا نورتوا الليه
دى الليله حلوه وقاعده جميله
……… ….. ……..
ناس فالفرحه بتفرح لينا
وناس جايه تشمت فينا
وناس ماسكه ف سيره الناس
ناس تتباس وناس تنداس
وياللى معانا نورتوا الليله
الليله حلوه وقاعده جميله
فرح فرح فرح
الليله ليله ليله
الليله وحبايب العيله
……………………………..
.
