قل الحمدلله ” بقلم الشاعره أم هاشم العيسوي “

بقلمي/أم هاشم العيسوي

قصيده بعنوان /قل الحمدلله

الحمدلله علي اللي راح وجت سليمه
الحمدلله اننا ناس عليها تشاور أصحاب قيمه
راضيين بنصيبنا وقدرنا وقسمتنا
ولا نرضي يكون في حياتنا ناس لئيمه

الحمدلله اننا ناس فيها الخير والاصل
محبوبين بالفعل من واحنا عيال في الفصل
تقرب مننا عمرك ما تندم وتزعل علي خسارتنا
ولو تغلط مره تتمني نعيد من تاني الوصل

الحمدلله من يومنا عنينا يملاها القليل وشبعانه
وبفضل ربنا عمرنا ما نعرف معني الخيانه
نخاف ربنا ونبعد عن الحرام في كل حساباتنا
و الناقص في حياتنا بيبانه مصبوبه بخرسانه

قول الحمدلله علي كل الخير وكل الشر
وقول يارب احمدك علي كل ما مر
وقول الحمدلله نموت وتبقي بالخير سمعتنا
نعرف نفيد ونسند ونشيل ولا نعرف الضر

اوعي تزعل لو يوم الدنيا زودت قرصتها
دنيا وفانيه واوعي تضيع فرصتها
كل الصبر وكل السعي لله دا اللي حيلتنا
نفوز بالجنه في الاخره ويا محلي ثمرتها

غيرك عافر..وقع وقام الف مره
اختار طريق صعب بدراعه وكرامته حره
معاك تيجي أوقات تتقل بالقوي شيلتنا
بس تهون وتعدي لما تفرج حتي لو كانت مره

الجنه تمنها غالي وعايزه تجتاز بإيمان
كل اختبار تعدي منه لازم تكون من الجدعان
مش اي مكسب ولا اي حد دي جايزتنا
تنولها تعوضك عن أي صبر أو حرمان

الدنيا مش دايمه ولا هي دارنا ولا ديارنا
الدنيا مش مستقر القريبين ولا كارنا
اللي يمسك فيها يبقي يا خسارتنا
فهمنها غلط وخسرانين واتغلب حمارنا

لو ضاقت واحكمت حلقاتها روح علي السجاده
قول يارب انتا اكبر من همي وكلي عباده
لو قصرت سامحني يا غافر ذلاتنا
الشكوي لغيرك مذله والشكوي ليك راحه بعدها سعاده