( لو فاضي )
فاضي شويه نشرب قهوه ف حته بعيده
نتكلم ف شويه براح
ونشيل عن بعض شويه
يمكن جوانا يرتاح
فاضي نروح اي مكان
ونقول ع اللي بيوجعنا
يمكن حد ف يوم يسمعنا
جايز الاقى لهمي علاج
او حد يشيل مره وجعنا
كل عيون الناس بصالك
ياك فاكرينك ملياردير
عايشين بس لجل عنادك
سرك شيله جوه البير
اوعاك صاحب خان العشره
وباع الود بدون تقدير
اوعاك مره تدي امان
لأي ان كان
ناس كدابه ب الفين وش
ناس عايشين العيشه دي غش
يلعنوا فيك طول منتا بعيد
ويضحكوا لما يشوفو الوش
لو فاضي هحكيلك ياما
عيشه اونطه وكلها غش
نبيل ابو رامى الاسوانى
٢٠٢٥/١٠/٢١
