بكل هدوء ” بقلم : نجوي نصر الدين”

كتبت نجوى نصر الدين
بكل هدوء
مصر محتاجة دلوقتي عقول تفكر مش أصوات تزعق،
محتاجة اللي يسند مش اللي يهلل،
محتاجة اللي يشتغل بعقل وقلب، مش اللي يملأ الساحة هزار وهري وهوا.

مصر مليانة ناس تقيلة، سياسيين ومثقفين وأهل عقل، وخبرات
بس للأسف، اللي ظاهرين هما اللي بيعملوا دوشة وبس.
إحنا مش زعلانين، إحنا محتارين!
العقول تعبت، والمشهد بقى عبثي.
عاوزين نهضة حقيقية تبدأ بالعقول النيرة، واللي يستحق يمسك مكان، يمسكه.
الدولة لازم تدي قيمة حقيقية للتعليم والصحة والزراعة والنقل،
مش نفضل نغرق في الحفلات والسّينمات، ونسيب الأساس يتهد.
البلد مش ناقصة بلاء فوق اللي فيها، ولا خوف يزيد يوم بعد يوم.
ده مش هجوم،
ده نداء من ناس بتحب البلد بجد:
ارحموا مصر من الهيافة، وسيبوا مكان للعقل يشتغل.
تحياتي
نجوى نصر الدين