تفتكروا بعد أمي” بقلم الشاعرة: زينب شبل”

تفتكروا بعد أمي
فيه شيء رح أبكي عليه
يا قلب .. زاد.. همي
لحظة ما…هان دمي
واتباع … لكل……. سفيه..

كل شيء سهل اجتيازو
إلا فقد أمك وأبوك
اللي خسرانهم وفازوا
هما بالجنة وسابوك

بلا حضن يضمك بهمومك
ويقول لك فوق
بلا قلب يعاتبك ويلومك
ع الحزن وعلى قلة نومك
وإن ما بتروق

دمعك مش راضي يسيب عينك
والقلب ..حزين
على من .صاحبوك كل سنين
وتبص ……شمالك ويمينك
مالاقيش غير شوقك وحنينك
صاحبك ل سنين

ل ثواني بنضحك على روحنا
ونقول هنعيش
بعديهم … وهنشفي جروحنا
وبنلقى … مفيش

مفيش بعد .اللي راحوا حياة
ولا الدنيا بقت .. تتعاش
في بُعد أحن …. خلق الله
ده حُب ما يتنسيش ومداه
من القلب.. الحزين ل سماه
ل قلب…. اشتقنا له ومَجاش

بيجي العيد …… يبكينا
ونتمناه …بسرعة… يفوت
ل يرحم…… روحنا. وعنينا
وقلب…. ف بُعدهم بيموت

صرت مجرد…. طفلة يتيمة
رغم كبرت وعرض .. وطول
صرت.. بَمثل … أني سَليمة
وأقوى من الأحزان وحكيمة
وإن الدمع ما سالشي سيول

ع الحال دهوه .. إلا إذا.
جه ردي. قلبي . اللي اتأذي
من فوق……. سبع سماوات
سيف.. للقصاص ..ولمعجزة
وحقوق صاحبها ما مات
__________________
بقلمي الشاعرة زينب شبل \2\4\2025