الموت ..علينا ..حق” بقلم الشاعره: زينب شبل”

الموت ……علينا …….حق
أيوه وما قولناش لأ
بس… الفراق كالسيف
اللي لأ لان … ولا رق
ولا قال حرام…… ولا لأ
وف… روحنا شتا وف صيف

يا أرواحنا اللي… رافضة تبات
معانا وبايته ……… وياهم
قوللهم مشتاقين … سلامات
عليكُم. وانتوا … مش أموات
وإن الجنة……………… مئواهم

بالله يا دموعي ارحمي عيني
وأعملي معروف
في العمر…. الباقي وفي سنيني
ماهو بالشكل ده رح تعميني
وأنا مش رح أشوف
.
بحور الدمع ……مش هتفيد
ولا تمنع قدر مكتوب
ولا ترد اللي……. راحوا بعيد
ل قلب على الفراق مغصوب

يا اللي اشتقنالكم.. من روحنا
عمر ف شهرين
رح نعمل إيه …….ويا جروحنا
غير دمع الحزن. وصوت بوحنا
يا أغلا الغاليين

رحماته ….عليكوا وغفرانه
يفتح أبواب
جناته لكل اللي………… ما هانوا
ع البيت الباكي ….. ولا حيطانه
ولا ع الأحباب

تحت ….الأشجار ….. استنونا
فيه بينا لقاء
يا حبايب راحوا ………وخلونا
نحلم باللحظة………. اللي تيجونا
في حلم .المشتاق

___________________

بقلمي الشاعرة زينب شبل/18\2\2025