( طلعنا وحشين )
بعد ما كبرنا وربينا
بعد ما عشقنا وحبينا
وكمان طبطبنا وحنينا
طلعنا خاينين
ونسينا العشره وقسينا
ونسينا وقفتهم جنبينا
والله وبقينا احنا الوحشين
نسيتو لينا وقفتنا فى الشده معاكم
نسيتو ايدينا كام مره كانت شيلاكم
نسيتو ليالى سهرناها وكانت
دايما لراحتكم
وبعد العمر ما راح بينا
بقينا احنا الوحشين
ناكرين الكلمه والمعروف
ناكرين الشيله ف كل ظروف
ناكرين الغربه ولياليها
وقسوة ليام
علشان ترتاحو وتعيشو
دايما ف سلام
انا كنت الباب اللى يحاوط
ليكو بترابيس
كنت بخاف الدنيا مره عليكو
تميل تبقو متاريس
انا كنت سندكم وقت الحاجه تلاقونى
منا كنت بعلم وبفهم كل التفاصيل
بعد ده كلو طلعنا خاينين
والله لسه على عهودنا ليكم صاينين
انا أقبل اى كلام يمكن
لكن نطلع ليكم وحشين
والله كلامكم زعلنا
ووجعنا وقطع شرايين
يمكن لو كانت فى أحاسيس
ليكم حاولوا رجاءاً تنسوها
مسحتو كل اللى عملناه
وطلعنا اوحش خلق الله
وبقينا خلاص احنا الوحشين
ابو رامى الاسوانى
٢٠٢٥/٢/٢
