اللي مات….. ارتاح
من زمن…….. سفاح
واللي ..عاش لساه
في ..البلاد ..سواح
قضى عمره ……كفاح
والأمان ……..ما لقاه
وأهي دنيا ..احترنا فيها
والطيب عاش غريب
تعبتنا الله ……..يجازيها
ضحكتنا ….. بنشتهييها
وبيحكمنا ……. النصيب
وحياة الآخرة ومش هحلف
بالدنيا …عشان
كيف ناسها بتوعد وبتخلف..
وبتأسى كمان
وحياة أحبابنا ..اللي مازلنا
نعاملهم ..عكس… معاملتهم
ونشد في عودهم من حيلنا
وبننسى . ونغفر اسوتهم
قولنا كتير ل ضماير نايمة
إن الدنيا ماهيش دايمة
وإن الدايم ……… وجه الله
وإن علينا .. قيامة .. وقايمة
وهنتحاسب ….يوم في سماه
هتقولوله…… ايه ……يوميها ؟؟
وقتها و ساعت. الحساب
ان جايين …..تلهوا …….فيها
دي الحياة …. والدم……. فيها
لو يسيل………. ما عليه .عقاب.
هتقولو له كان مزاجنا ؟؟؟
أولى من روح أبرياء
هتقولو له ان اندمجنا
في الشيطان وسبب عذابنا
إنه صار إدمان وداء
هتقولوله إن ……افتكرنا ؟؟
ان خلقه … فيران .. تجارب
وانتشينا إن انتصرنا
ع اللي مش داخل يحارب
هتقولوله ………. هديتك ؟؟
حطيناها في.. بير ..غويط
وإن …فاكرين …….قوتك
مش ل غيرنا و. حكمتك
مش هبة ل إنسان .. بسيط
_________________
بقلمي الشاعرة زينب شبل 3\1\2025
