سبحان الله ….. مافيه غيره إله
نعبده بقلوبنا ومن روحنا
ونهيم في سماه
بيه صلتنا صلاه تشفي جروحنا
وسرنا وياه
سبحان …..من صورنا اجنة
واختار اسمائنا ومين هيكون
أيوب في الصبر وله الجنة
ومين اللي شيطانه عليه غنى
وعليه.. استكتر………… يتهنى
بطريق الخير وملاه بظنون
سبحان….. من قرب له اللي بعيد
وف غربة… وحاسس بوجعها
سبحان من سوى تعيس وسعيد
واللي ما غير روحه بيسمعها
سبحان من علم عبده دروس
وفي آخر الرحلة اداه درجات
سبحان من سوى عقول ونفوس
سالكة ومش سالكة حياتها كابوس
وبتحلم.. منه تفوق ل ساعات
قصتنا تشبه انبياء
وحياتنا تشبه أرض نور
وإحنا الاطبة ل ألف داء
والحصن من كل الشرور
ناس صافيين وحياتنا عبادة
يا على الفيس يا على السجاد
نرضي الله .. ونصلي فروضه
ونعود نكتب لكوا كالعادة
سطرين نصح . وسطر سعادة
للمحتاج يشعر بوجوده
عمر اتحاربنا من الضلام
ومن اللي مولاه الشيطان
ومن اللي كارهين السلام
ومن اللي سارقين الأمآن
ازرع ويا قلبي أرمي بذورك
وما تسألنيش
عن دور الناس ولا ايه دورك
وسط الخفافيش
