امتى المواطن المصرى يحس ان مستوى معيشته اتحسن بشكل ملموس؟

كتب/أيمن بحر

عندما يتضاعف الناتج القومى مع ثبات عدد السكان خلال وقت قصير
ساعتها هيلاقى دخله بقى الضعف فى وقت قصير وساعتها يحس ان فعلا معيشته اتحسنت
طب ده يحصل ازاى ؟
فى الحقيقه مفيش مشروع معين يتعمل يجيبلنا 400 مليار دولار سنويا !!
المشروع الوحيد اللى بيعمل ده ، هو انك تلاقى بترول كل يوم باكثر من مليار دولار !! وده مش موجود غير فى كام دوله فى العالم ؟
ميكملوش 3-4 مثلا
الرقم ده مش اعتباطا !! ده تقريبا نفس الناتج القومى بتاعنا دلوقت !! عشان تحس انك بقيت مستريح ماديا ( نسبيا ) محتاج تضاعفه فى وقت قصير والوقت القصير ده يصحبه ثبات فى عدد السكان عشان الفلوس الزياده تتوزع على نفس العدد فنصيبك يزيد !!
عشان كده اى مشروع بتشوف كلام عنه فى الاخبار هو مش هيخليك غنى ، والسؤال بتاع هنستفيد ايه المبنى على فكرة انى طالما مكيشتش فى ايدى فلوس كتير يبقى المشروع ملوش لازمه ، فهو هيستمر ، لان مفيش مشروع هيخلينا اغنيا ابدا !! ده مستحيل مفيش اى مشاريع بتدر سنويا ربح صافى 400 مليار دولار !!! الا زى ما قولتلك فى الاول
بالتالى اللى بنعمله فى الواقع بقى هو انك بتبنى طوبه طوبه كل المشاريع دى هيبقى لها تأثير ( ايجابى ) على الدخل بس بنفس الشرط الاولانى ( ثبات عدد السكان ) لان بدونه المقام بيزيد قد ما البسط بيزيد والنتيجه انك تفضل كأنك يا بوزيد ما غزيت ؟
مش عاجبك كل ده وشايف العيب ان الحكومه فاشله و خايبه مفيش مشكله عندك بدل الحيطه اربعه تخبط راسك فيها وبرضه مفيش حاجه هتتحقق