((( كُن ولا تكُن )))))
كُن ضمير بيه… ترضي ربك
أولى …من انك .. تكون
عنه غفلان….. ملهي…. قلبك
بالسؤال . أنا مين اكون
كن خفيف
كن خفيف ع الناس….. وعدي
زي نسمة……… فى. حر صيف
كُن رؤوف باللي… ف تحدي
للي حلفوا ما…….. راح يعدي
وطعنهم في الضهر كيف.
كُن حنون
كن حنون على…… قلب غيرك
وارحمه يوم هتلاقيه
بوصلة بتوجه …….ضميرك
في الحياة لطريق فيه خيرك
اللي قلبك…………….. مشتهيه
كن حكيم
كن حكيم و اوزن… كلامك
واجعلهُ بلسم شفاء
واسأل الله……. عن سلامك
فين ..ومين…. سبب.. الآمك
واللي ساب ..فيك الف.. داء
كُن أصيل
كُن اصيل كده…. زي ما انت
لو عليك فات 100 خسيس
هوه فلصه.. وذنبك أنت
ان شوفته ماهوش. رخيص
كن طبيب
كُن طبيب يشفي… الجراح
للي قال الآه اهااات
وابتسم وأنسى . اللي راح
حلو مُر أهو……….. كله فات
كُن طموح
كُن طموح ماتسيبش يأسك
يغلبك وما تغلبوش
رأس….. ..مالك هوه. رأسك
اللي بيها.. تقود……. جيوش
كُن عصامي
كُن عصامي…….. بقلب حامي
وابتدي وأمشي……… الطريق
واوعى……… تتغر في أسامي
خدها مني……… اسمع كلامي
مش هتخسر……… أي شيء
قوم ودوس
دوس برجلك……… أي باطل
قول له لاه…………. وألف لاء…
واوعى تنحاز………. للي قاتل
فرحتك وسنين…….. يماطل
في الحقوق لتعيش… تقاتل
ع اللي لك… في الأصل حق
كُن كيان
كُن كيان صعب…… انكساره
ع البشر وعلى الزمان
كُن كيان …..صاحب قراره
لو ما عنده…. جنيه في داره
ولا حتى ينام جعان
كُن شجاع
كُن شجاع قوم… شد عودك
وافرده وما تحنيهوش
للي مقتحمين……… حدودك
واللي عكر صفو مودك
اطرده ………..وما تعرفوش
كُن قوي
كُن قوي ورزقك على الله
اللي ف إيديه ّ….. الكنوز
لعنة ع الضعف…….. اللي خلا
الأصيل ل خسيس…… يعوز
كُن قنوع
كُن قنوع دي…… الدنيا فانية
متساويش حتى الجنيه
أو نعكنن ……. روحنا ثانية
بالندم . ونقول ده ليه
كُن مُسالم
كن مُسالم . مش مسلم
للي ما بيرحمش….. روحك
وأوعى جرحك فيك.. يعلم
دي الحياة . أكبر . مُعلم
جرحها .. دعم ل طموحك
قول
قول اكون ………اولا اكون
في الحياة…. وبلاها عيشه
وسط ناس شايفه القانون
تحتها وعلى راسها ريشة
كُن مرايا
كُن مرايا . يشوف . ضميرك
نفسه فيها وايه………. راضيه
حقه فين.. من……. حق غيرك
وحق ربك فين ……… عليه
