ما بنخترش هنكره مين
ولا مين روحنا تطير في سماه
ده اللي بيملا قلوبنا حنين
هوه…….. الله رب العالمين
نعم المولى ……… وزرع إله
قررت اتغزل …. في الكون
واوصف في الحب اللي ما بينا
ماهو ليا وبعد الله عون
وعلى… الأيام ربي يعيننا
مشاعر.. شوق….. ما بدلها
مآسي وأسوة الايام
ومن أولها ل آخرها
مازال الصمت فيها كلام
عن حُب ..صافي وعمر دام
في زمان قوي وما قويش عليه
من قلب…… أبيض كالحمام
وبيشبهه……. في ضحكة عنيه
عن حُب أقوى… من الزمن
ومن الوحوش
عن حُب فيه .. مدفوع تمن
طعنات…….. لناس ما بتؤتمن
لابسين وشوش
حُب لأجله . نفيس وغالي
بعتهُ ….بس ما همنيش
بعته وسهرت الليالي
للقمر وما…. ساب خيالي
الأمل ما أنا بيه.. بعيش
حُب غير مشروط وسامي
يعرفه اللي يحس بيه
حُب. زادت فيه الآمي
وعنه.. ما بيخلص كلامي
ويا قلب……. ما يوم نسيه
حُب جي……… من النجوم
أمي وأم …… المختارين
يسعدوا . برغم الهموم
كل ساعة………. وكل يوم
اللي عاش يُتم. وحزين
حُب ليلى…. لكونها قيس
اللي علمها الثبات
له حبيبه …… وهوه غيث
حصن م الزمن……. الخبيث
له بتجري و فيه تبات
وليه نزعل …… وليه نحتار
في كل اللي أتبنى بأكاذييب
يا قلبي دي.. ترتيبات. أقدار
ومتقدر ……… وكلهُ نصيب
_________________
بقلمي الشاعرة زينب شبل/15\11\2024
