كهف الجارة” بقلم: نجوي نصر الدين”

كتبت نجوى نصر الدين
تخيل تبقي ماشي في وسط الصحراء فتلاقي أمامك حفرة في الأرض فتدخل فيها فتلاقي نفسك فجأة اتنقلت لمكان تاني اشبه بالاماكن الخيالية الموجودة في افلام الاساطير و كأنك دخلت لفجوة زمنية نقلتك لمكان و زمان آخر

ده اللي هيحصل فعلا لو دخلت كهف الجاره في الصحراء الغربية

كهف الجارة احدي عجائب مصر وكتير لايعلمون اى شيء
انه ، مكان اسطوري بمعني الكلمة ،
من اغرب الاماكن اللي ممكن تشوفها في حياتك بسبب تكوين الكهف العجيب و شكله الغريب من الداخل

لو دخلت الكهف ده حتلاقي تكوينات جيولوجية حتبهرك اشبه بشلالات مياه متحجرة نازلة من اعلي الكهف في ابداع رباني مش هتتخيل انه موجود الا في قصص الاساطير

العجيب بقي ان الرواسب اللي نازلة من فوق دي اصلا حصلت بسبب تسريب المياه من خلال رمال الصحراء علي مدار ملايين السنين و بسبب الحرارة الشديدة اتجمدت بالشكل ده عشان تعمل المكان الخيالي ده

الكهف ده اكتشفه رحالة الماني و كان معاه الدليل بتاعه و بعد عاصفة شديدة لقوا المكان ده أمامهم فدخلوه يحتموا فيه فلقوا واحد من اندر كهوف العالم حتي ان الالمان قالو عليه انه اجمل مكان عينك ممكن تقع عليه في قارة افريقيا

الكهف مكون من عدة مغارات و علي بعد ٥٠ متر تحت باطن الارض و هو بين الواحات البحرية و مدينة اسيوط التي يبعد عنها حوالي ١٤٠ كيلو

من الحاجات اللي اكتشفوها داخل الكهف هي بعض المنحوتات البدائية اللي بيرجع تاريخها لعصر الانسان البدائي و ده بيوحي ان الكهف ده كان ملجأ للانسان من الاف السنين ،جدير بالذكر ان عمر هذا الكهف يتجاوز ال ٤٠ مليون سنة ..
تحياتي
نجوى نصر الدين