جايلك رسالة…. من السما
تنسف شرور
مصدرها… قلب . الملهمة
للناس وبرضو …. مُعلمة
وف الأصل حور
كل اللي اتقال لك بالملي
رح يحصل وف يوم هتقولي
كان له 100حق
قلبك ونصحني وياما قالي
وأنا قولت له لأ
اتحدوا سنين……… الأقدار
زرعولنا الشوك . والعراقيل
طعنولنا ..ضهرونا.. بإصدار
بحكاوي ف حق…… الاخيار
لأجل ..يشوهه… كل جميل
كل ده رح نعتبره .. كابوس
وهنلقى إننا منه…… صحينا
اقوى من الأول….. وندوس..
ع الشر اللي… مغمي. عينينا
والضحكة إن كانت.. خاصمتنا
أيام وسنين
راح ترجع وما هتسيب… بيتنا
وزهر الياسمين
ماهنقتلش يا قلبي… ضميرنا
ولا هنخلي ظروف
تحني ضهورنا ل ثانية لغيرنا
ولا يكسرنا الخوف
هنسيب…. أفعالنا….. بتتكلم
وهنسمع بس
أعذار وكلام. اللي…… أتعلم
م الدنيا كتير ..وخلاص سلم
لله وبيه حس
___________________
بقلمي الشاعرة زينب شبل/1\4\2024
