((((عالم الفيس )))
آه يا فيس غلبتنا
واحترنا وتوهنا ..فيك
وبقيت ……….لنا كلنا
تنفيس عن قلبنا
والخير……… والشر ..فيك
ناس بترقص ….ع السلالم
لا اللي فوق .ولا تحت شاف
والزمان…صار …….. للعوالم
واللي… شقيان…….والمسالم.
ما التقاش… غير لُقمة. حاف
فيه اللي دخلاك خدمة عامة
للبشر بتبث نور
واللي دخلاك …. وسط لمة
و ودعت اخلاق……… وذمة
وابتدت……….. رحلة . فجور
واللي دخلاك ….بعد توبه
بالحروف تمحي… الذنوب
واللي دخلاك. ألف… نوبة
تقنع الخلق……… إن طوبة
بردها يسبب ……. رطوبة
وأنها الحمل……… اللعوب
واللي داخلة تقول.. يارب
ألقى يوم..ع الفيس عريس
حتى لو أصلع بضب
ستر في…. زماننا الخبيث
واللي دخلاك .مش كافيها
ستر .. والدنيا …بما فيها
بطنها………متكفيهاش
توصف الناس . باللي فيها
صنف.. م الله ما اختشاش
واللي داخلة ب هدمتين
قصدها فعلا …….شريف
عايزه ترجع …ب رغيفين
والغموس…………. للعيلين
أصلها في …زمان مُخيف
واللي داخل….. قال.. يدور
ع الغرام فكره ……يلاقيه
في العيون.. سبحان ما صور
بين بشر… دخلاه……. تدور
فين هتنصب ..فين تحور
لأجل تصطاد …… أي بيه
فيه ستر ….وفيه. فضايح
فيه برضو الطيبيين
فيه ضحك …ع اللي رايح
فيه مكر خزين … صفايح
فيه ملايكة … . وشياطين
فيه دمع …….وفيه عيون
صادقين …..مابيكدبوش
فيه شك ….وفيه . ظنون
مزروعه ..بإيد.. .. وحوش
ايوه فيس فيه .كل حاجه
فيه بيضحك. فيه …حزين
فيه اللي طيب…. وبسزاجه
شاف بيفهم …..كل حاجه
واصطدوه ……. الغدارين
فيه المجنون……. فيه العاقل
وفيه برضو اللي نص ونص
وفيه أشرف …..وفيه وائل
وفيه صاحب القصور والخص
فيه النصب مفيش اكتر منه
والسرقة كمان
وفيه المسروق … غصبن عنه
يدفع يا عليه …مش… هيحنوا
ويعيش أحزان
100لعنة على دا الفيس
لو فيه ….يئوي….. الشبيحة
وبشر يشبهوا … إبليس
شكلا وف ،…لون وف ريحة
اقطفوا يا ولاد. م ألفيس خيره
والشر ياريت
لو شوفتوه عدى أجروا وطيروا
وابعدوا عن …..كل اللي ضميره
ميت وأتمنى …… يشوف غيره
بعناية … فتافيت
___________________
بقلمي الشاعرة زينب شبل 29\2\2024
