أوعى يا إبني ما بينا حد
يرمي فتنة ….عشان يهد
حبل سري …..ما يقطعوش
إلا شيطان مُستبد
غدره يشبه …. للوحوش
أوعى حد يقول لك أمك
تكرهك …… وتصدقه
قلب مين غيرها اللي ضمك
واللي شال فوق .. همه همك
ولسنين على مبدأه
أمك ل سنين ..ع السجاده
وبتدعي الله ..يصلح حالك
أمك بالفطرة وكالعاده
بتحن إليك قوي….. بزيادة
وما ينقصهاش….. إلا سؤالك
قلبي عشانك داس ع الشوك
عمر وعمره ما قلب…. الطاولة
رغم جبال وشايات .. وشكوك
وفتن قادره تبيد… 100دولة
أمك اسم له. صوت ف ودانك
فيك بيبث آمان….. ل سنين
مش بالباطل……. هد كيانك
ولا بالشر حرق…… بستانك
ولا جا عليك بلا رحمة ودين
أمك …….جايه….. الحياة
برسالة مش جايه
طمعانه في…. مال وجاه
أمك لك …..طوق نجاة
من دنيا…………. مؤذية
أمك تقول…. إبني
مقدرش…… أدعي عليه
لو حتى………….. عذبني
أمك….. سنين ….. تبني
فيك قول لي…. إيه نابني
غير….ده . العذاب والتيه
_________________
بقلمي الشاعرة زينب شبل/2\2\2024