اللي اختشوا ….ماتوا
طب دول يعيشوا… إزاي
والشياطين فاتوا
سرقوا ……. الهوا ذاته
وما خلوا زيت ولا شاي
يا ريح عدت بكوم نحوسات
واقدام كعبها محني.
ما خلت….. حتى جوز جنيهات
وحظ ….الفقر له نغني
راضيين ….يا قدر….. بنصيبنا
وعشمنا كبير……….. أوي فيك
توعدنا النحس………… يسيبنا
وتقشه ……… ف يوم بإيديك
حجر صوان يا دوب ….عدي
تقولش… غراب
لا خلى دقيق …….. ولا ردة
ولا أحباب
خلاص هانت……. على نهايته
ما باقي… كتير
وينزل …..ربنا بآيته
ونقفل سيرته …….وحكايته
وهتصفصف على أهل الخير
_________________
بقلمي الشاعرة زينب شبل/7\8\2023
