واندار لطريق ….. كان أوله نور
وف آخره زهور … ول قلبه دواه
واهو تاه ف الدنيا وسابها تجور
على قلبه وقلب… بريء مهجور
وبيسأل ليه ………الحزن ملاه
💌
اغضبي يا سماء والعني مخاليق
دمروا أرواح ……صافية بريئة
ما سابولهم نسمة هوا ف الضيق
واتكاتروا بمكر …. وعملوا فريق
للشر ب 100 ألف……….. طريقة
💌
بيروي ف أرض. .مش .. أرضه
ولا ناسها …..كمان……… وناسه
وساب طول.. دي السنين .. ورده
بيحلم ………يرتوي …… بكاسه
💌
يا روح صادقه . ف زمن أكاذيب
وصار الصبر موالك
وذنبك….. إن ……… كنتي طبيب
ورحمة وجايه ……. تهدي حبيب
ما حسش …….. ثانية ايه حالك
💌
وزارعة …………… الخير بتستني
وعشمك كله …..كان ف الله
وتبكي ……. ع اللي………. بيغني
وقلبه مخبي مليون آه
💌
سنينك أيوه ……. أهي. بتجري
لكن عارفه ….العوض …. جايلك
ودمعك لسه …. على حجري
وأنا اللي بداوي …….. وبحايلك
💌
مذاكرة …… القصة …… للآخر
بقيت عارفه اللي جايلك ايه
وصابره وصبري ..نوع ..فاخر
ميقدرش الزمان ….. ده عليه
___________________________
بقلمي الشاعرة زينب شبل /28\7\2023
