مستني ايه” بقلم :ام هاشم العيسوي”

قصيده بعنوان /مستني ايه
كتبت / ام هاشم العيسوي

مستني ايه وعايز ايه من بكره
دا اللي عشت ياما عشانهم
دلوقتي صبحو مجرد ذكري
اوعي تفتكر إن احساسك بيخيب
هي بس مسأله وقت ومش اكتر
واللي جه عليك.. ف ربك مش بيسيب
وهيجي اليوم ويتمنو رجوعك
واوعي تدي اشياء مبتاخدهاش
وتيجي علي نفسك بزياده
العين عن الحاجب يا صاحبي مبتعلاش
والوحده بعزة نفسك راحه وعباده
عمرك شوفت صبي طلع معاش
فارحم قلبك من شيل ناس كياده
واعتبر اللي يضايقك كأنه مجاش
الدنيا أبسط من حزنك وبعونه سهله
واللي يشيلك فوق طاقتك
دول عالم جاهله
صبرت كتير وطول الوقت بتعافر
وانتا في ايدك نعمة راحة البال
واللي يتجاهل النعمه يصبح بيها كافر
دا الذل بعينه لو لغيره كان السؤال
فبلاش تلف في دايره مقفوله
تعاني بالانتظار وتصاب بالخيبه
ياريتها كانت تتولف القلوب لو عموله
بس العشم الزايد هو المصيبه
وصاحبك الاصيل تشيله في نن عينك
دا رفيق العمر وتفاصيل سنينك
تشاركه أيامه لو سعيده أو كئيبه
وان غاب يفرح لو سألته فينك
كل العلاقات يحييها الاهتمام
والصبر علي المواقف هو الضريبه
ايدك في أيده وبينا للأمام
تمر كل الصعاب لو مريبه