العشم خسارة مؤكده

العشم خسارة مؤكده
بقلمي/أم هاشم العيسوي
متابعة / ممدوح السنبسى

مش غريب أننا نبني الف عشم جوانا
انا واحده من الناس قربت من ناس
وطلعت بأمن بغشم ومجرد عشمانه
بنيت علاقات وأسستها مع نفسي بالحب
وياريتني طلعت بمكسب بالعكس طلعت خسرانه
وصفوني بالطفله في تعلقي وتفكيري
واتاريني فعلا طلعت وحيده وغلبانه
وايه يعني ناخد حد ونحبه اوي
وبعد فتره من تصرفاته اتفاجئ
الغريب اني اعتبرته وطني
وفي غفوه أبقي غريب أبقي مجرد لاجئ
فيه ناس في عز ما انتا كويس
تدورلك علي غلطه وتطعن فيك عشان تلوثك
وهما في الأصل شويه كلاب سعرانه
فعادي يا عزيزي توقع اي حاجه في أي وقت
وخدني موقف ادامك اتعلم من اخطائه
تعيش تعبان لو في تصرفات غيرك دققتت
نفسك هتكبر وسط الناس بيك انتا
الحقها قبل السنين ما تعدي هوا
وتفوق ولا حاجه في حياتك حققت
ولو في حياتك عله اوعي تستغلي عليها الدوا
ملعون الحب لو اتحكم في صاحبه ويذل
مش في كل الاوقات قلوبنا صح
والعقل في الغالب هو الافضل وبالحق يدل
متخالفش بمشاعرك كل الحقايق
ولا تعمل فيها انصح من الكل
واسمع كلام حبيبنا النبي
لما بخير الامور الوسط وصانا
كل اللي فات من حبيبك اعتبره امانه
لا تغدر بيه ولا في ساعة غضب تخونه
كفايه عليه غلطه
وادعيله يكون الله في عونه
واحمد ربنا انه من قربه الزايد نجاك
وخرجت بره دايرة استغلاله وكونه
وايه يعني لو هتكمل والقليل معاك
وتعيش مرتاح ولا يوم تاني تحس بخوف