قصيدة واااااأمااااااه

كلمات ام هاشم العيسوي
متابعة/ ممدوح السنبسى

مع السلامة يا امي وألف نور ورحمه تنزل عليكي
ياما شقيتي عشانا ولا عمرك اشتكيتي
كنا نطلب كنا مدللين وكنتي تفدينا بضي عنيكي
كنت اتعب واجي جرى في حضنك وانت ياما احتويتي
فارقتي يا أمي والصدمه زي خبطه وقعت ع راسي
كنتي كل ما ليا واللي فاضل كنتي كل ناسي
مين هترمي في حضنه دا انا كنت بتحامي فيكي
من كل قسى الدنيا ووجودك كان وجودي وأساسي

في الجنه هتسكني يا امي هيا دارك وفي النعيم
ووصلي سلامي لبابا دا القلب بعدكم صعب يكون سليم
كنتي ملاذي وملجأي الاخير وكنت ملكه بيكي
اعذريني لو كل ثانيه مقدرتش امسك دموعي وجع الفراق أصبح اليوم
كنتي انتي تفرحي بيا وبايدك الأبيض تلبسين
كنت تناديني دايما تعالي يا حته من قلبي يا نور عيني
طيب قوليلي مين بعدك في الحنان هيساويكي
كنتي صاحبه وكل ما ليا وف الصغيره قبل الكبيره تسأليني
مين بعدك وزيك يطبطب عليا و جرحي يداوي
والله لو الدنيا اجتمعت في ضفرك ما هتساوي
كان ومازال اسمك يتضرب بيك المثل كل المدح ما يكفيكي
كنتي شايله عني الهموم وكبرت بفضلك وشيلتي عني كتير بلاوي
يجعله في ميزان حسناتك كل لحظات اتعلمتها ع الفراش
صعبه الدنيا يا امي من اول ثانيه بعدك ما تتعاش
لو كنت اطول يا غاليه كنت بعمري افديكي
دا العمر بعدك مش هيتحاسب وطعمه هيروح بلاش

كلماتي/أم هاشم العيسوي