(((مش شطارة))) بقلم الشاعره زينب شبل

(((مش شطارة)))

مش شطارة نلوم . في.. روحنا
ونعاقبها … العمر كلهُ
ومش شطارة . نسيب جروحنا
دمها … بينزف …….. وبوحنا
نخرسهُ… ونعيش……… نذلهُ

ومش شطارة نحني راسنا
للي بيهدوا …في…. اساسنا
واللي ما اتمنوش…. يشوفوا
غير يوجع يسكن ف. راسنا
ويلمحوا في القلب خوفوا

خاف مالعفريت . يطلع لك ويرافقك …….. زي خيالك
إنما .. لو دوسته….. بنعلك
راح يمشي وما هيرجع لك
وبكده … هتريح …. بالك

واللي الخيانة .. في دمهم
ما هينضفوش
واللي الشرور . من طبعهم
إيه ؟؟؟ ……غير وحوش

شربنا السم ………بإيديهم
ومخلوط بالعسل ف كاسات
وشوفنا الغدر في عينيهم
وايه شكل الضمير لو مات

أنا سيفي. في إيدي وساكته
وناديت ع الصبر… كتير
ودي مش ألغاز…… ولا نكتة
دا وجع محتاج ل.. مُجير

انت ما تعرفش إياك . يا زمان ؟؟
إن الشيطان ……. شغال لسه
وإنك ما فيك… ولا ركن أمانة
ولا ركن .. خالي من . الخسة
_________________
بقلمي الشاعرة زينب شبل /4/10/2022