((اشكيك ….لمين ؟؟؟ )) بقلم الشاعره زينب شبل

((اشكيك ….لمين ؟؟؟ ))

اشكيك لمين……..وبيشبهك ؟؟؟
قلبي الحزين
وأنا اللي…………….عشت أنبهك
لدنيا ناسها ……….. ما تشبهك
وأنصح سنين

ياما قولت لك.. ما سمعتنيش
خاف ماللي لابس.. 100 قناع
اخترت ف الأوهام.. … تعيش
و وقعت من أعلى.،…… ارتفاع

بعت الحنان. ليه….و. العشرة؟؟؟
والغالي بعته. في ثانية رخيص
سيبت الدهب لاجل….. القشرة
وسمحت يدخل…… بينا خبيث

لو كنت…….سمعت…….. كلامي
مكانتش هتبكي …… عينيك
ولا زاد ……ألمك، ….. والآمي
ولا ضعت ما عارف….. الاقيك

صاحبت .. أهل المصلحة ؟؟؟
والنية.. سبوبة
وسيبت روح ……. متجرحة
ع البُعد …………… مغصوبة

آه.. يا إبن.. قلبي……..لو دريت
من وقت عني …، ما.. اختفيت
الدنيا عملت.. فيا ايه
خاصمتني… من يومها .ولاقيت
الدمعة صاحبتني …….وبكيت
على قلب ما داريش.. باللي فيه

اشكيك لمين ؟؟؟
وبيشبهك
قلبي الحزين .
وأنا اللي عشت……. أنبهك
لدنيا ناسها………. ما تشبهك
وأنصح ……………. سنين

_____________________________

بقلمي الشاعرة زينب شبل 25/9/2022