«وزارة التضامن الاجتماعى» فيه ايه !!! بقلم د. طه أبوبكر سعد الله

بقلم:- طه أبوبكر سعدالله

هنتكلم النهارده عن أولادنا وأخواتنا وأصدقائنا ذوي الاحتياجات الخاصة من وجب علينا مساعدتهم وتسهيل الحياة عليهم لاعانتهم على ما هم فيه …. وعن تجربه لي مدتها ٩ شهور بالتمام و الكمال…

أولا… بنسمع كلام كثير وجميل عن مساعدة وزارة التضامن الاجتماعى لذوي القدرات الخاصة من معاش أو استخراج كروت الخدمات المتكاملة لهم بسهولة ويسر…
ولما كانوا هم أحوج الناس الي المساعدة وتسهيل الإجراءات اللازمة للحصول على هذه الحقوق التي تكفلها الدولة المصرية بحكم الدستور والقانون تجد موظفا واحد يكرهم في أنفسهم ويكلم الناس بتعالي وكبرياء وكأن ذلك مقصوداً ؟؟؟ واللي هما محتاجين رعاية ومعاملة نفسية خاصه .

وطبعا بيانات وزارة التضامن الاجتماعى المتلفزة كلها جميله ، بس كلام على الورق وفي المواقع فقط فقط،،، يا سادة انزلوا الي ارض الواقع في فروعكم ومكاتبكم في الأرياف وبحري والصعيد والأماكن البعيدة أو حتى القريبة وراقبوا بس زيارات مفاجئة مش !!!…
واعلم أن السيدة وزيرة التضامن الاجتماعى لديها جيش جرار من المساعدين والمستشارين ومديري الإدارات فقط انزلوا من مكاتبكم الي الشارع وسوف ترون بأنفسكم إذا أردتم واخلصتم تعامل هؤلاء الموظفين مع المواطنين من تعنت وتعالى وعدم مساعده ومشاوير بالمرضى اللى هما أساسا محتاجين رعاية والمفروض كل ده يتعمل وهو في مكانه بدون انتقاله ومرمطه ….

سبحان الله شخص هو في الأساس الدنيا حط عليه وتعباه وبدل من ساعده نحط العراقيل ونكره في الدنيا واللي فيها….
وبعد كل ده الفيزا وكارت الخدمات تقعد بالشهور علشان تتطلع ، وفي الآخر الاسم مش موجود بالكشوفات مع ان كل الشروط مستوفاه ، تقوله ليه يا حضرة الموظف …يقولك اسئل الوزارة

طبعا مش هنتكلم في مشاكل المعاشات والقروض وغيرها لأن المجال لا يتسع ولكن وبكل صراحه موظفي وزارة التضامن الاجتماعي فيه حاجه غلط!!!! إلا من رحم ربي ؟؟؟
يا سادة ارحموا من في الارض يرحمكم من في السماء
واستقيموا يرحمكم الله
حفظ الله مصر من كل مكروه وسوء