عارفه بحبك اد ايه وازاي

عارفه بحبك اد ايه وازاي –

عارفه كام مره عايز اقولها

متابعة / ممدوح السنبسى
كلمات / ام هاشم العيسوي

عرفه بحبك اد ايه وازاي
عرفه كام مره عايز اقولها
بعدد ايام العمر اللي فاتت واللي منها جاي
عرفه مشاعري عمري ما قدرت معاكي اجملها
يا صوت نغم بيرن في وداني ع العود والناي
يا حته في قلبي حلفت دايما في النن اشيلها
عرفه اد ايه كنت في بعدك بعاني في كل ثانيه وكل دقيقه
اد كل مره بكيت فيها عشان تعبك وزعلك بحرقه
ايوا انا بعترفلك وهيا دي الحقيقه
واقولها ادام الدنيا هويتك دي مشاعر حلال ولا يجوز لها فرقه

: ياما في حبك كنت اتحمل واعافر
انا كنت زي طير متعلق في غصن وخايف يهجر ويسافر
ما قالو الحب اعمي
واللي اتعلق بالحب ومصانوش بقي بالحب كافر
ادام نبرة صوتك وشويه من وجودك ببقي عاجز
دا انا بيك كنت حالف اخطي كل المطبات والحواجز
دا الحب مش بأيدينا
والصبر عشانه جميل لو يتقدر
والاجمل نحط حبيبنا في عنينا
ولو نحس بهجر مشاعر يصبح القلب متكدر
ونمشي واحنا عملنا كل اللي علينا
: كل اللي في حياتنا أوقات بيبقو زي باب يا مفتوح يا موارب
وانا كنت بقربك وعشانك أقسمت احارب
اسامح واعدي والوقت بينا اهو موجود
وربنا يسامحهم اللي حطو سم بينا ولا العقارب
يا اللي كنت بكلمه منك تطبطب وقلبي يحس بقربك انه مسنود
مين يعوض حد عن حبيبه ويملي مطرحه
وكان في الشده ياكل الظالم في حقك لو جه عليه أو فكر يجرحه
اجمد يا قلبي من بعدي هيقدر يقنعك
ان مين بعد بعده هيقدر يفرحك

كلماتي/ام هاشم العيسوي