الجمهورية الجديدة
بقلم : محمد عتابي
العاصمة تستعد للإحتفال!
مع إقتراب تسليم المرحلة الأولى للعاصمة الإدارية الجديدة
إيه أكتر حاجات هتميز الحياة داخل العاصمة الجديدة ” الجمهورية الجديدة”
أولا: الجمهورية الجديدة هى مدينة من مدن #الجيل_الرابع يعنى هتكون مدينة ذكية
بكل تفاصيلها من أول البنية التحتية لوسائل المواصلات للمبانى الموجودة فيها
ثانيا:
هتكون مدينة بتحط معايير جديدة للأمان بسبب كل العوامل الأمنية اللى هتضمن معدل جريمة 0%
و علشان كده هيكون فيها كل الوزارات و الهيئات الحكومية و السفارات و منطقة الأوكتاجون الخاصة بوزارة الدفاع
ثالثا:
عوامل الترفيه اللى هتتوفر لسكان العاصمة:
زى مدينة الثقافة و الفنون اللى هتضم واحدة من أكبر دور الأوبرا فى العالم
و أكبر مدينة معارض فى الشرق الأوسط و ده غير مناطق المولات و الداون تاون و النهر الأخضر
رابعا:
الخدمة الطبية: و دى اللى هنشوف فيها أكبر مدينة طبية فى الشرق الأوسط و أفريقيا مش مجرد مجموعة مستشفيات بمستوى
خدمة عالمية و خلاص و اللى هيطبق فيها لأول مرة فى مصر خدمة الإسعاف الطائر
خامسا:
منطقة المال و الأعمال: و اللى هتتوسط العاصمة علشان تكون أكبر تجمع لأكبر شركات فى العالم و اللى بتستثمر فى مصر
لأول مرة بعد ما تم طرح كل المميزات السابقة و دى كمان هتكون بتضم أطول برج فى أفريقيا و اللى هيكون علامة جديدة لمصر
و كمان هيكون فيها سوق الذهب و منطقة مولات عالمية
سادسا: التعليم
هيكون فيه منطقة كاملة بتضم أكبر الجامعات المصرية و الدولية و اللى بتقدم أحدث طرق التعليم فى العالم
كل ده و أكتر بيأكد على توفير أفضل مستقبل للأجيال اللى جاية اللى هتشوف مصر جديدة فى كل حاجة
