زيارة الرئيس السيسي ل جيبوتي ليه جيبوتي وليه في التوقيت ده؟

بقلم /أيمن بحر

جيبوتي في قلب القرن الإفريقي و بتشارك إثيوبيا الحدود من الغرب والأهم إن لجيبوتي خط ساحلي بطول 370 كم على البحر الأحمر

الخط الساحلي ده علي البحر الأحمر له أهمية كبيرة في حال قررت مصر إستخدام الخيار الأخير والسودان مقدمتش الدعم والمشاركة المطلوبة وحاولت مثلاً تربط الموضوع بملف مثلث حلايب وشلاتين!! فوقتها يكون في بديل أخر .

أهمية جيبوتي بالنسبة لمصر في ملف سد_النهضة كبيرة سواء من ناحية التأثير المعنوي علي إثيوبيا بإعتبار جيبوتي قلب القرن الأفريقي أو من الناحية الإستراتيجية والحصار علي الأرض بإعتبار جيبوتي دولة جوار لإثيوبيا في حال قررت مصر إستخدام الخيار الأخير ، والأهمية دي مصر بتشتغل عليها من 2015 وده التوقيت اللي قام فيه الرئيس السيسي بإستقبال رئيس جيبوتي في مصر بعد توجيه دعوة رسميه له من الرئيس ووقتها الكل إستغرب من أهمية الزيارة .

مصر وخصوصاً في عهد السيسي مش بتعتمد في قرارها علي خطة واحدة أو خيار وحيد ودايماً عندها خطط وخيارات بديلة علشان محدش يلوي دراعها وده كان واضح جداً من بداية قرار مصر بتنوع مصادر السلاح والنهاردة بتنوع الخيارات الاستراتيجية سواء للضغط علي إثيوبيا لتوقيع إتفاق قانوني ملزم أو لحسم الملف نهائياً في حال إصرار إثيوبيا علي موقفها.