الجيرة والصحبة

كتب /أيمن بحر

وهات العمر من الأول وهات حبايبنا من تاني وهات العزوة واللمة وهات الجيرة والصحبة وهات قلب مايسودش وعيون جميلة ماتحسدش وعيش وملح مايتخانش مش بنندم علي اللي فات بس بنحن لذكريات بنحن لعمر فات بنحن لكل لحظة عشناها مع الناس العزاز غصب عنّا بندور في الوشوش يمكن نقابل ناس جميلة نطمن لها زي ناسنا زمان أيام لما كانت القعدة ضحكتها تسمّع طالعة من القلب لا بنحسب لها حساب ولا بنقيسها كان كل حد فينا بيمد ايديه لصاحبه بيحضنه بكلامه ويدفيه بعنيه كان كل حد فينا خايف عالتاني وماسك فيه في الحقيقة غصب عنّا بنعيش في اللي فات غصب عنّا بنتمني إنّ كل لحظة حلوة مرّت علينا ترجع زي زمان بس حتي الحاجة لمّا بترجع ساعات بنحنّ للناس العزاز اللي كانوا وقتها لنا سند كانوا لنا ضحكة الأيام.