ياريت مانبعش بناتنا ونراعى فرق السن
…………………….
حكايه جوازة.
العجوز مراته ماتت
من العيا والله ارتاحت
وقبل مايعدى الاربعين
راح يتجوز مسكين
راح ودق الباب
عشمان فالاحباب
فتحت له الباب صبيه
طمعانه فالمال والتكيه
وحددو له الجوازه
وكأنه داخل جنازه
وف الفرح زاد المرح
والناس تقول لبعضها
ياحسره على بختها
دالراجل اد جدها
والعريس فالفرح نعسان
يزغدوه يعمل فرحان
ويقول جه ميعاد نومى
سبونى شويه ياحبابي
ياراجل قوم كمل كتابك
واقعد شويه مع احبابك
انا راجل محافظ عالاوقات
وميعاد نومى ياخواتى فات
دمك خفيف قوى شربات
ده الل فسنك ياخويا مات
دا الراجل فوق السبعين
عروستنا يادوب عشرين
والمسكينه الغلبانه
مبوزه وزعلانه
وشويه تنسى نفسها
وتحلم بالعز والابهه
بالخدم والحشم
بالميادين والقصور
يالجناين والطيور
وف ثانيه قامت من حلمها
بتبص على البيه جنبها
اتاريه فى سابع نومه
وشكله حسره ندامه
ويندهوله يا شحات
شحات شحات
وتارى العريس مات
والفرح ياحستى قلب جنازه
ده خد له كرسى والتانى ازازه
وابو العروسه من كسفته
ضرب دماغه بجزمته
والناس ماسبتهمش فهمهم
راحت تغلى ف دمهم
والبنت والله مصيبتها زادت
والناس عليها قالت وعادت
كانوا الخطاب كتير
وابتدا الكل يطير
نصيحه منى للعرسان
يبصوا عالحاجه الامان
وفرق السن ياخونا خفيف
مش هى ربيع وهو خريف
مش تتجوز أد ستك
ولا حد فسن بنتك
بص شويه لقدام
واعمل حسابك تمام
ساعتهاتعيش فرحان
وبيتك بالخير عمران
وتكون صحيح انسان
…………………………..
