((مصر الحبيبة))
مصر الحبيبة و شعبها المولى نجاهم
من خوف كتير من دا ودا
وبجد يا هناهم
💌
بيك واللي يزعل مني ويخاصم
بكره ح يفهم ونلاقيه باصم
يا رئيسنا بتثبت للعالم
أنك محبوب
بنحبك موت والله العالم
ماهو رب قلوب
💌
بتقول وتكون قد الكلمة
وفعلا إنسان
وإن كان فيه ناس عايشه
ف ضلمه دول بس لسان
💌
سير ويا الناس الفاهمينك
يلا ل قدام
ما تبصش يوم ع اللي يدينك بكره الأيام
💌
راح تثبت مليون ف المية أنك على حق
على إيديك مصر معديه
طبعا ليه لأ ؟؟
💌
ساعة رضا
ومسبب الأسباب
زاح العدو
وبعت لنا الأحباب
💌
حطك ف طريقنا
ف يوم ضيقنا
وخدت إدينا
م الضلمه وقولت وصدقنا
أنك لينا
💌
وإنك مُصر بهمتك
تجعلها جنة
وقد فعلا كلمتك
ومعاك بنستنى
💌
قاعدين وبنراقب
ع الفيس و ع التلفاز
مليون قرار صائب
وكل يوم إنجاز
💌
واللي نكر خيرك
وما حسهوش لسه
لو بص على غيرك
يمدح ويتوصى
__________
بقلمي الشاعرة زينب شبل ١٦/٣/٢٠٢١
____
