دُمت البلسم
للمجروح
اللي عليك العمر دا باقي
دُمت الوفا والدفا ل الروح دُمت ل قلبي يا قلبي الساقي
💌
باستفتي قلبي
وعمره ما خزلني
ولا خدني مرة ل سكة فيها هلاك
وبنبضه م الأحزان كتير شالني
ومُصر يثبت لي إن هوه ملاك
💌
عِشت السنين طوعه
وما قولتلوش يوم لأ
صابر.. على جوعه
رغم الطعام له حق
💌
علمني أصبر زيه واتحمل
مُر الحياة
علمني امحي اليأس
وأتأمل
طوق النجاة
💌
ما هو أصله روحاني
عايش سنين درويش
وبرغم …….. .بيعاني
جواه يقين هيعيش
💌
هيعيش حياه بيحسها عوض السنين
هيشوف عيون مشتاق لها وف حضنها
داب مالحنين
💌
صاحبه الإيمان و الأمل
فيك ياللي بيك لسه حلو الحياة يكتمل
وبتحي فيه الأمل من كلمة أو بصه _________
بقلمي زينب شبل / ١٣/٣/٢٠٢١
