قرأت لك.. عن قانون تسجيل الوحدات العقارية

الخبير الأمنى اللواء خيرت شكرى
متابعة عادل شلبى
قبل الحديث عن قانون تسجيل الوحدات العقارية ، الغير مفهوم من حيث التوقيت أو المضمون أو الغرض ، عايز أفهم هي مكاتب الشهر العقاري تم تطويرها وتحديثها علشان نحملها بأعباء جديده ، تعوق المواطن وترهقه وتخليه فريسة للوسطاء ، ده الواحد علشان يعمل توكيل في الشهر العقاري بيخرج عن شعوره من بيروقراطية العمل وسوء الخدمة المقدمة له .
المواطن تفائل لما شاف بعض مكاتب الشهر العقاري ( كنموذج ) حصل فيها تطوير ، وبتستخدم التكنولوجيا الحديثة بدلاً من الملفات الورقية ، وقلنا برافو وزارة العدل بدأت تفتح ملف الشهر العقاري ، حتى ولو كان ادائها بطيئ ، لكن المهم نبتدي .
بصراحة العلاقة بين مكتب الشهر العقاري والمواطن مش على ما يرام كمؤسسة خدمية ، وكلنا روحنا مكاتب للشهر العقاري وعارفين السبب المؤسف من أول دخولك المكان وحتى قضاء خدمتك ، جاي النهارده تحمل مكاتب الشهر العقاري أعباء جديده علشان يحصل صدام مع المواطن ، بسبب المطالبه بتنفذ قانون جديد ، الموظفين نفسهم مش فاهمينه ، ومش عارفين يردوا على استفسارات المواطنيين .
أما ما يخص قانون تسجيل الوحدات السكنية في الشهر العقاري ، هو في الحقيقة قانون غامض وغاضب و غير مفهوم وتوقيته غير مناسب ، ده إنطباع معظم الناس ، لأن من بيدهم الأمر مش عارفين يعرضوا الموضوع على الناس صح ، في النهايه الأطراف كلها مش فاهمة حاجه عن القانون الجديد ، لا المسؤولين ( من بيدهم الأمر ) عارفين يفهموا الناس ، ولا موظفي مكاتب الشهر العقاري فاهمه ، ولا الناس فاهمه ، والنتيجة تخبط و شائعات ، في وقت التوقيت مهم ، ومهم جداً .
مطلوب مسؤولين ( متخصصين ) يخرجوا علينا إعلامياً ، يفهمونا القانون ده بكل أبعاده بس بهدوء .