قلبي مطاوعنيش أهجر اللي مستني الفراق

كلمات الشاعر ام هاشم العيسوي
متابعة: ممدوح السنبسي

قلبي مطاوعنيش اهجر اللي مستني الفراق
لف وشه عني من غير ما يسمع السبب
وناري قايده وباين علي عيوني الاشتياق
مبقيتش ابص لحد تاني
مليت ادور علي حبايب يفهموني
وسنين العمر سريعه في السباق
والوحده مش هقبل منهم عليها يلموني
قلبي بقي بيحزن من اقل حاجه والهموم حالفه ما تنساني
خدت خلاص علي الوجع ومستحيل انسي أيامه
المر طعمه معلم الوان علي سناني
والفرح ودعنا بأحر سلامه
والشفايف بتتفرد بس مجامله
والضحكه ازاي ترجع صافيه وهاديه
كانو بيغنو زمان محدش عنده ضحكه سلف
خايف اطلبها وتجيني سلف مقدرش ارد الدين
وخايف أحزاني تكون ع ديني قاضيه
والشكوي لغيره مذله ليوم الدين
دموعنا ع الخد من الفراق علمت
ولكن قلوبنا بكل ايمان راضيه
والصبر مفتاح من عنده لو لقضائه سلمت
لو هنشكي لبشر فكل واحد واقف ع جبل ما بيهزه ريح
فكر لثواني بعقلك هتعرف كام واحد فيها من زمان مكتوب علي قلبه دا اللي عاش عمره جريح
ولا حد حس بيه ولا حد بكامل أحاسيسه كان شجاع أو صريح
في الفرح كتير عاملين احباب
وفي الشده بيقلو واحد بعد التاني
واللي بيصفي دا قلبك يستحقه من غير ما نفكر ازاي كانت الأسباب
فرحنا ياما باللمه وقت فرحنا
وفي الحزن اتبدلو مكنوش هما
ولا حتي مثلو علينا إحساسهم بجرحنا
والشاطر دايما صعب وقوعه وجايز
ولكن سهل يقف من تاني بكل قوته
والضحك علي أصوله في الاخر للفايز
ما الكوره لو لعبها بعقل هتبقي كويسه في دايرته

كلماتي/أم هاشم العيسوي