أنا قلبي لا بيخاف من طوبة
ولا من امشير
الخوف م الشوق يجي ١٠٠ نوبة
بيعدي عليه وانا مغصوبة
ورابطنا مصير
💌
مغصوبة إن أجري واتكفى
وابعت مراسيل
من قلبي اللي مُناه يتدفى
وسهران له الليل
💌
مغصوبة أقول له إنه
واحشني
كل شوية
واحلف له ما شيء عنه يوحشني
وأغلى ما ليا
💌
وإن اللي ما بينا هي الدنيا
وظلم الأيام
واللي. مصبرني مفيش ثانية
بتعدي وما القاه ف التانية
يبعت لي سلام
💌
من غير ولا كلمة ولا حكاية
قلبي مسلم
يكفيني ويكفيه ضحكاية
م القلب وسكان جوايا
ومنه أتعلم
💌
اتعلم أمتى يكون صامت
وإن يوم نامت
العين حبة
بيشوف بالروح رؤية
ان دامت
تحيي احبة
💌
يكفيه إن أنا قلبي نداله
واقطف له الورد
يكفيني إنه أتغير حاله
وب حبهُ سعيد وهنياله
دفيان م البرد
💌 💌
بقلمي زينب شبل ٢٨/١/٢٠٢١
