أسألكم الدعاء والمغفرة ل أخي بالله عليكم اصدقائي الأفاضل والاعزاء
٠٠٠٠٠٠٠٠٠٠٠٠٠٠
اشتقت ياما ل كلمة وحشاني
كلمة ياخويا
كان ضهر ابويا
وإيده سنداني
*
آه مالجوع
على فرقة الأخوات
شهم و جدع
أخ و. وحيد ل بنات
*
من يوم ما مات واندفن
حاسه اندفنت معاه
ما ناقصني غير توب كفن
ودعوتين وصلاه
راح اللي كان
بيه تكمل اللمة
ويحلى المكان
وخد معاه الحضن والضمة
راح الحنان
*
بكت داره مع حيطانها
وحتى. الباب
بكت أرضه وبكى طينها
على اللي ما غاب
*
وعايش لسه جوانا
وما بننساه
ولو ف الحلم يوم جانا
بيحلف روحه ويانا
وبيبشرنا بأحلى حياة
*
شهيد من أرضه ع الجنة
مصلي العصر
وقال له المغرب استنى
أخد حمامه واتحنى
وراح ع القصر .
*
عزائي إن إحنا نتجتمع
ف يوم مع بعض
ولو كات عيني بتدمع
فمن مُر الفراق والبُعد
٠٠٠٠٠٠٠٠٠٠٠٠٠٠
