متابعة: ممدوح السنبسي
لو علي قلبي قادر عليه ادوس
كله كان بسبب حبي
بقيت بهتم بكل تفاصيله ودلوقتي تعبت مني النفوس
كنت بطمن لما عن مشاعري احكيله
بس حظي كدا وأدي حظ المنحوس
كنت مستعد أكتر من كدا أديله
بس خلاص بقيت بهون عليه
كنت بفرح وقت فرحه
وكنت بموت لو حسيت بوجعه وقت جرحه
كنت بتمني أشوفه قصادي
كنت تملي بسامح وأعدي
كنت بكابر واحارب عنادي
رغم إن الظروف كانت كتير ضدي
بس عمر قلبي ما عرف إستسلام
حبيته بكل ما فيا وكنت يدوب بوصله شئ بسيط منه عن طريق الكلام
وفجأه بابه بقي بينقفلي وكأنه ادامي بقي حيط
حبي ومشاعري وكلي حاسس بانه انكسر
بقيت دبلان من جوايا
والحزن أهو فاز عليا وإنتصر
صعب عليا أحبس دموعي
بعد ما كان كل أملي اطمن عليه
وصعبت عليا نفسي لما حسيت بالعجز وقت رجوعي
كنت بستني يصحي وأبدأ يومي بصوته
كان بيصعب عليا وقت الانشغال
كنت بحس بالوحده ومكنتش بتحمل سكوته
والدنيا كانت بتحلي بيه هو
سكنته قلبي وإمتلك عرش المحبه والدلال
ولما جيت ألومه بعشم
كان رده بره أوام مكانك مش جوه
بتنفس بالعافيه والروح مش هاينه
بحاول أداري عيوني
ولكن دموعي فضحاني
مهمنيش كل اللي قبل كدا ظلموني
أصلهم كانو خطوط حمرا في حياتي ودلوقتي مبقتش باينه
كلماتي/أم هاشم العيسوي
