اهداء للإعلاميه صفاء عسران بنت الصعيد
كلمات الشاعر : علي جامع
متابعة: ممدوح السنبسي
اهداء للأستاذة الاعلامية صفاء عسران بمناسبة تكريمها من عديد الجهات وتكريمها القادم من قبل جمعية فرحة البسطاء للتنمية بنجع حمادى التي ترأس مجلس إدارتها .
لما الوقفة تكون من بنت
لما البنت تكون 100 راجل
لما الصلح يتم وييجى فى خبر عاجل
يبقى برافو صفاء عسران
من على جمعة وأشرف صبحى ومن شعراوى
ومن الشرطة
هاتوا التورتة
عندنا بنت لازم لها درع يحيى جهودها
عندنا بنت قامت بمبادرة وبمجهودها
قدرت تثبت ذاتها وتعلن
أن صعيدنا.. ماهواش حكر على الرجالة
شافت فكر التار فى بلدنا
فكر ( زبالة )
قالت اتبنى الفكرة ونعمل درع تسامح
بدل الدم ماييجى بدم
اوعى ياعم
ايه راح يحصل لو خلينا مافات دا ف ( كوم )
واللى هاييجى الكوم الأحلى
دخلت دخلة
كل الناس اتبسطت منها
كل الناس أصبحوا عارفينها
و ( ف ) مشاكلهم بيشاركوها
قبل ما تكبر نار شرارتها
هاتوا صفاء دى صفاء دى مافيش (ولادة ) جابتها
تيجى صفاء ومعاها الدرع
والمسألة تنتهى على خير
الناس كلها تصبح غير
عقلها يبقى ربيع تتفتح فيه 100 وردة
ياللا نسيب الماضى وجهله
نصبح كلنا ( ولد ) نهارده
ياللا نخلى التار فى بلدنا
موضة قديمة .. وبنار باردة
ياللا نسامح
دا اللى يفوز فى قضية التار برضك خسران
اى قضية تار فى بلدنا
حلها سهل
أبسط حل ( ألو ) للغالية صفاء عسران
أفضل حل ( ألو ) للغالية صفاء عسران .
