✍(سوق الفيس
🙍♀️👩🦰🤦♂️🦸♀️🤰🧝♂️
أنا ماشية وسايبه الفيس ده
مين راح يهرب ويايا
معاييش لا رينو ولا مازدا
ومليت م السلع الفاسدة
ع التوكتك يلا ورايا
👩🙍♀️🙋♀️
يا بياعين
الفيس
انا نفسي انساكوا
بالفهلوة يا مُغيث
خلوني كالمتاعيس
ومن خميس ل خميس
اصرف لي كام باكو
تقولشي سحر
وليا رشينوا
سمك في بحر
إحنا اللي شارينوا
الفيس ده فعلا بهدلة
وبقى شبه نداهه
تعالوا شوفوا المهزلة
واللي الهوا رماها
السوق ✍
ا الفيس ده أصله لناس
و ناس يا ناس
و.حظوظ
فيه اللي لبسوا الماس
من نصبهم ع الناس
وفيه اللي نفسه يفوز
بالجنة ونعيمها
لو حتى مات مالجوع
ربك مقسمها
ع الخلق وعازمها
على توبه له وخضوع
السوق✍
فيه اللي داخلة تحب
والوحدة قتلاها
وفيه اللي داخلة تسب
للناس ودي انساها
السوق✍
فيه الحرامي
وحضرة الظابط
فيه العصامي
وفي اللي بلا رابط
##👩🔧
وفيه اللي داخلة تبيع
بضاعتها ع الماشي
و فيه اللي ناويه تضيع
لكن ما دارياشي
السوق✍
الفيس ده سوق
وبضاعته مغشوشة
فيه الأميره
وفيه اللي منكوشه
والحلوه لما تفوق
تلقاها مرشوشه
🧔✍
البنطلون ليكرا
قرب وخُش يا بيه
قرب وخُد فكرة
والحلو راح تلاقيه
🧔✍
الانجري الشفتشي
ح يصحصح النايم
👩🦰اسكت يا واد واختشي
🧔
والنعمة دا أنا صايم
🧔
👱♀️يلا الكريم للوش
تفتيح و حيفرده 🙅♀️
مالناش يا ناس ف
الغش
عاوزينكوا تعيدوا
والكوركامين للتخن
ويقوي الذاكرة
يلا الفطير السخن
كشاكيل ومفكرة
واهو كله بيضحك على كله
والكل حزين
ماهو رزق الهبل يا ناس كله بقى ع المجانين
💃 🧝♀️ 🎅
بقلمي زينب شبل ١٦/١٢/٢٠٢٠
