كلمات : ام هاشم العيسوي
متابعة: ممدوح السنبسي
اذا كنت انا بحس بالغربه لمجرد البعد عنك ساعات
فإزاي هقدر الاقي زيك وانتي عجز عنك كلام الحكايات
مش هقدر اداري وحشتي وانا اللهفه بتبان من عيوني
وبيبدأ بيكي يومي وفي المسا سمعي بيحلاله صوتك وعليه اتعود يبات
وفي وقت الزعل ما تغمض جفوني
والوقت بيعدي لو ثواني في بعدك سنين ويعم المكان الصمت الموجع والسكات
بفكر ازاي اجاوب لو سألوني
امته اتعلقت كدا وأمته كان الحب بيتقاس بالأوقات
اصلي قبلك اتعلقت بحبي لناس وبسهوله وجعوني
ومكنش الوجع له بشاير ولا كان في الحسابات
سلطانه وقلبي كله قصرك
ومشاعري بكل ما فيا هما الخدم والحشم
قوليلي مين بحبه ادك وانتي سابقه عصرك
ومخابش ظني فيكي ..وفي حضرة جمال قلبك كل العشم
والبعد عنك جسد عايش بلا روح
والقرب هو الدوا هو علاج كل الجروح
كل الصعب في قربك بيهون
يا عيون القلب وضلي مكان ما اروح
يا نجم عالي والصعود ليه ملوش درج
والاخلاص ما بينا كان مفتاحه والصبر ع الحلم بعديه الفرج
واني فيكي دايب وقصاد الناس
اصرخ بعلو صوتي واقولها ما الحب النقي مفيش منه حرج
كلماتي /أم هاشم العيسوي
