.ما خنتكيش.
ما خنتكيش لا انتى اللى خنتى
ولا بعتكيش لا انتى اللى بعتى
جيتى لقلبى قلتى بحبك
بس جرحى مالوش دوا
قلت جرحى هو جرحك
والدوا هو الهوا
تعالى نبدأمن جديد
ننسا الماضى وقسوته
نخلى يوم لقانا عيد
ونعيش الحب وحلاوته
وبعد يوم اثنين مافيش
دورت عليكى مالقتكيش
وتارى الماضى مانتهاش
لسه قلبك مارتواش
كنت وهم ماتنكريش
قلبى عندك مايسويش
وما خنتكيش…لا ماخنتكيش
……………………………………
اشوف عنيكى احس بيكى
واحس قلبى وياكى طاير
أشوفها تانى اتوه فى معانى
قلبى والله وياكى حاير
كل ماحاول اقرب منك
تيجى بقسوه وتبعدينى
كل ماحاول ادخل قلبك
تيجى بقسوه وتمنعينى
وتارى الماضى مانتهاش
لسه قلبك مارتواش……
…………………………..
وقلت اشرب من نبع حبك
ويرتوى قلبى بهواكى
لاقتنى بشرب من جرح قلبك
وقلبى انا مظلوم معاكى
كنت باكدب روحى وعيونى
وصدق كل مره كدبتك
وفضلت ادارى شكى ظنونى
وصدق كل مره حجتك
وتارى الماضى مانتهاش
لسه قلبك مارتواش……
……………………………
كنت فاكر قلبك
جى ينسا معايا الالام
وتارى حب قلبك
حب غدر حب انتقام
وازاى انا اجرح قلب
عشان قلبى بيكى يعيش
وازاى اعوض حب
لقلب ياخد ولا يديش
وما خنتكيش….
جيتى لقلبى قلتى بحبك
بس جرحى مالوش دوا
قلت جرحى هو جرحك
والدوا هو الهوا
وتارى الماضى مانتهاش
لسه قلبك مارتواش
كنت وهم ماتنكريش
قلبى عندك مايسويش
ولا خنتكيش…لا ماخنتكيش
…………………………………..
