كتب /أيمن بحر
نشرت فتاه عبر حسابها الشخصى بموقع التواصل الاجتماعى فيسبوك فيديو تعرض نفسها للزواج وتعتبر أول فتاه تعرضها نفسها بالصوت والصوره الأمر الذي جعل هناك حالة من الجدل بين متابعيها ومستخدمي موقع التواصل الاجتماعي وبدأت تأخذ ترند وذكرت قائلة انا مها اسامة عندى ٣٢ سنة . بعرض نفسي للجواز علي الفيس بوك. اللي مهتم يبعتلي علي الانبوكس. و اي سف او قلة ادب هاستخدم اجراء قانوني شكرا تقول مها: أنا عارفة أن الفيديو ده هيسبب لي مشاكل كتير بس أنا مش فارق معايا لأنى عارفة انى مش بعمل حاجة غلط، احنا شايفين الظروف اللي البلد فيها، مفيش خروج و مفيش كافيهات ولا جيم، لأن الدولة شايفة انه القرار الصح للحد من انتشار الفيروس وتحافظ على صحتنا ونكون في أمان فمن الطبيعي لكل إنسان يعمل اللي هو شايفه صح وتابعت: زي ما الدولة اخدت الاجراءات اللي شيفاها صح فكل إنسان يعمل اللي هو شايفه صح ويحافظ على سلامته ومصلحته الشخصية.وأضافت: اسمي مها أسامة عندى 32 سنة وعارضة نفسي الجواز على الفيس بوك و عارفة أنه قرار مش سهل وهيسبب مشاكل كتير بس أنا درسته كويس أوى وهتحمل نتيجته الوحشة قبل الحلوة أما عن الشروط التي تطلبها فيمن يتقدم للزواج منها فقالت مش عاوزة غير أنه يكون جد مش متجوز محترم وأضافت: كان ممكن أعمل زى بنات التيك توك لكنى أرقى من كدة واختتمت: اللي شايف نفسه جد من غير ما يهزر أو ياخد سكرين شوت ليا ويبعتها لأصحابه يشيرها على الفيس بوك يبعتلي ورفضت أن تفصح عن أي تفاصيل خاصة بها.
