#دكتوراه_فخريه
كل كلامك حكم
والحكمة في وقتها مش متاخره
لاثانية قدمت ولا العقرب جاب ورا
بس قولي يادكتره هو القلم مين زعله
والسطر عاند المسطرة
والمشاعرقصفهاشاعرحط وشال خلاهامدمرة
زمن الكتابة راح ولاالهبيده كتار بيرصواكلام
ويوصفوه شعر عامي فصحى
نثر هبد ورزع سجع ماخلا
طب والخواطرجبرهاعلى الله
قالك أناشاعرشوف بعينك وسمي وصلي
شعرده ولااه يازمن ماخلاص خلصنا
والشعرطفش ماستنى خسرمكانه
والمشهيصاتي كتب واتسلى
برافوايابيه انت مبدع الله عليك يا شاعرة
كتبتي وكلماتك معبرةوكلمة هناك وكلمة من هنا
وسلملي عالمشاعروعلى كل انسان بجد شاعر
صاحب قلم محترم صاين الحرف بيوزنه
بميزان الماس الحرلا بينصب الفاعل
ولا للمنصوب بالفتحة يجر
سلامي لمن فهم كلامي ولا سلام للحرامي
سارق الملكية الفكرية أخد مجهودي وعليه هدية
دكتوراه فخريةوكمان سفير محبة و حُسن نية
طيب بس فين هي ولا حرف يخُصه من الأبجدية
ولا تعب في القصيدة وزبط الوزن والتفعيلة
والنغمة والقافيةجه اخدها كدا عافية
وصاحبها جاتله الكافيةإتحسرعلى مجهوده
ولا حتى أخد شهادة عادية ياحرامي يابو عين بجحه
اختشي وبلاش بلطجه أخرتك سوده وتناها طين
دانت بتكتب إسمك بالضالين
وقال كاتب قبل الاسم شاعر
ولا عنده شعره م المشاعر
الشعر ده احساس ربنا اختص به ناس
تعبت واجتهدت علشان تسعد غيرها
جيت حضرتك وأذيت مشاعرها
وتسرق مجهودها
وتنشره وتوثقه باسمك شمال ويمين
هتروح من ربنا فين
عنداللي زيك من الحراميه والداعمين
مش هتلاقي شاعر نظيف
يخاف على نفسه من التزييف
مصاحب لص غير شريف
اصل المرء على دين خليله
والحرامي له الف صديق
من عينته وغني عن التعريف
اصل الأخلاق ما بتتجزأش
وعمره بيقضيه هيش وقش
يوهم روحه ويصدق نفسه
والكذاب ما بيتصدقش
#بقلم_حنان_محمدعبدالعزيز
