( الحب حاله )
الحب حاله واستحالة
يكون قرار
الحب همسه في القلوب
الحب كلمه
ومن غير شفايف تتفهم
الحب لمسة ايد لعاشق
في الخيال تعيشك
كل المعاني والأماني
لو يكون لك حبيب يضمك
تنسي في حضنه كل همك
وافتكر لحظة لقانا
والاه بتعلي للسما
وعيون بترسم ع الوشوش
شكل ابتسامه متألمه
انتي بس عايشه فيا
هتلاقيني لو حاسه بيا
حبي قلبي واحضنيه
امسحي كل اللي فات
شيلي من جواكي الآهات
وارجعي لأول حروفك
شيلي من جواكي خوفك
وابدءي م الاول تعالي
وسيبي نفسك جوه قلبي
هتلاقيني حضن دافي
من سنين وبلاش انين
وافتكري بس لحظه لقانا
ياللي قلبي عايش ليكي
ومش ناسيكي
دوسي علي غدر الزمان
وابعدي عنك ظنونك
مش هلومك
لو حتي جيتي في الخيال
ومش محال
قلبي يناديكي
ياللي ليكي القلب دق
وليكي مال ومش ناسيكي
أبو رامي الاسواني
١٢/٥/٢٠٢٠
