الجيش الابيض المصرى يستحق الكثير دكتورة مصرية بالخارج تشرفنا

متابعه / محمدمختار
الدكتورة اللي قدامكم في الصورة و اللي في امثالها كتير جدا في مصر و يستحقوا كلام اكتر من كده .. الدكتوره دي اللي مفروض طبعاً تكون حديث لكل مصر والشرق الأوسط (نرمين بطرس) لأنها قدرت تشرف صورة مصر وتقول للعالم كله إن مصر فيها عظماء وإن القبُح اللي طافح عندنا ما هو إلا قلة من البشر !
د. نرمين. هي رئيس لجميع الأطباء المقيمين في مستشفى بروكلين إحدى المستشفيات بنيويورك … وزي ما كلنا عارفين إن نيويورك مركز الوباء .. د. نرمين بتعمل لمدة 80 ساعة فى الأسبوع من دون كلل أو ملل … ولما بتروح البيت بتفضل تتابع مع اللي بيتصلوا يستفسروا عن الفيروس. ده على الرغم إنها بتروح المستشفى الساعة 5 الصبح وترجع بيتها 10 بالليل ! وبتفضل د. نرمين. تعالج الدكاترة الشباب اللي هناك من الآثار النفسية اللي بتحصل ليهم نتيجة اللي بيشوفوه .
الصحافة الأمريكية اتكلمت عنها في اكتر من حدث لأنها فعلاً بتساهم في إنقاذ آلاف البشر. وأحنا كشعب مصري .. مش بس فخورين بيها. لأ عايزين نكتب لها كل الكلام الجميل اللي في الدنيا. عشان يمكن يوصل لها ويعرفها إن شعبها كله فخور بيها جداً. وطبعاً لما سألوها عن ليه بتعمل الجهد الخارق ده .. قالت كلمتين بس : *سعادتي في إني اشوف المرضى بأحسن حال. سعادة لا تُوصف. وإحساس لا يعوض*
و نتمني ان شاء الله يكون ليكي دور في مصر
و شكرا لكل دكاترة مصر اللي لسه مش وخدين حقهم لأنهم فعلا يستهلوا اكتر من كده و و ربنا يرحم الدكاتره اللي توفيت بسبب الفيروس