صبيان المعلم الكبير

بقلم /أيمن بحر
مش اردوغان اللى عاوز الغاز و لا اثيوبيا اللى عاوزة تبنى السد و لا قطر عاوزة الاخوان يحكموا مصر و يوقعوها دول مش اكتر من صبيان شغالين عند المعلم الكبير و واخدين

عرقهم تالت و متلت و الدفع مقدم صبيان المعلم دول نفذوا توجيهات المعلم الكبير بالحرف فى اكتر من دولة حوالينا !! بس مصر عصلجت معاهم و كل ما يحاولوا معاها يلاقوا حيطة سد .

الصبيان دول مضغوطين من المعلم الكبير إن لازم يخلصوا على مصر و يجيبوها ع الأرض .. يعطشوها .. يسرقوا الغاز .. يوقعوا الجيش .. يقسموا الشعب .. كده يعنى !!

لأنهم تأخروا فى تنفيذ المطلوب منهم .مصر واخدة الصبيان على اد عقلهم فى مفاوضات السد .. فى صفقات الغاز .. فى محاربة الارهاب و عينينا على المعلم الكبير . و المعلم عينه علينا من بعيد لبعيد يسوح علينا الصبيان .. و مصر تلاعب الصبيان على اد حجمهم .
المعلم الكبير مصمم يكمل خططته للأخر لأنه دافع كتير و لسه عنده امل فى الصبيان إنهم يخلصوا الشغل لما ظهر المتسول محمد على بكام فيديو بيهلس فيهم .. الريس قال الحكاية مش مستاهلة

فى مفاوضات السد .. الريس قالنا مضيعتكمش قبل كده فى حربنا مع رجب قال متقلقوش يعنى اللعب كله مع المعلم الكبير مش مع الصبيان الرمم دول عشان كده مصر عندها طولة بال و صبر

و واخداها خطوة خطوة .. و بتلاعب المعلم الكبير بشرف فى زمن مفهوش شرف .. و ربنا مع الأشراف واحد يقولى مين المعلم الكبير

اقوله اللوبى الصهيونى اللى دور الربيع العربى و دمر المنطقة و مش فاضل ادامه غير مصر .. و هنشوف ربنا هيساعد مين