خليها على ربك
وعيش دا الدنيا مش دايمه
وسيبك من الهموم والفكر
دنيا غروره مع انها فانيه
فلا يغرك جمال ولا سحر
فيه اللى عايشها قط بيخربش
واللى عايش فار فى قلب الجحر
فيها اللى راضى بقليله
واللى اخد الطمع بالحكر
كل يوم بيعدى عيد
ما دام عشته بصحه وستر
فيها اللى عايش نعامه راسها مدفونه
واللى عايش فوق جبينها نسر
ناس بتاكل فى لبتها
وناس مش طايله حتى القشر
فيه اللى بالصحه بيعربد
واللى الالم بينشره نشر
ناس برغم المال مفيش راحه
وناس راضيه فى عز الفقر
فيها اللى بالدراع عايشين
ولدراع الغلابه البتر
اللى من قليل المال زكى
واللى اكل الزكاه والعشر
هى دنيا زينه ومال
واخرتها تراب فى القبر
خلى السماحه من طبعك
وقدم لربك حمد وشكر
ويا تعيشها قط بيخربش
يا اما فار فى قلب الجحر
محمود الكومى
