الطير الوحيد
مكنتش اعرف فى يوم
إن حكون جبل الهموم
شمس ضايعه فى الغيوم
طير وحيد فى العش يبكى
طير وغايب وليفه
يدارى خوفه جوه خوفه
قلم ما كتبت حروفه
حتى كلمه عنى تحكى
مراكب الفرح غرقت
ومراكب الحزن عامت
جدر وجعى فيها نابت
اخدت الدنيا بس سابت
مراكب حزن للشط تشكى.
دنيا فيها للفرحه خاسر
زمن قلاب بالخلق غادر
لا حاضر يبقى ولا عاد مسافر
شاطره تخلى الضلمه ملكى
اخدت اللحن اللى ف غنايا
حتى النجوم هجرت سمايا
بس ربى دايما معايا
ولغيره وجعى بس اشكى
الطير الوحيد
بقلم محمود الكومى
