بقلم… نسرين يسري
الموهبة هي هبة من الله عز وجل يميز بها الإنسان
ويعد الرسم من المواهب التى تبهرك ولها سحر خاص لأنه لا يقل قيمة عن الموسيقى
والأدب والشعر، بحيث يستطيع الفنان أن يعبر عن واقع أو حزن أو قصة من خلال رسمة واحدة ومن هنا القى الضوء على الرسامه فاطمه الهوارى …
بدأت موهبتك أمتى… ؟
موهبتى بدات من وانا سنى ١١ سنه كنت بشخبط زى اى طفله ع الكتب والكرسات وكنت بحب اعمل اشكال بالصلصال وارسمها
مين بيشجعك… ؟
اللي شجعنى هو ابويا الله يرحمه كان اكبر داعم ومشجع ليا وهو سبب انى افضل ثابته ف مكانى واطور م رسمى واوجه اى صعب يقابلنى
مين اول حد قالك انتي فنانه… ؟
اول حد قالى انى فنانه هما صحابى لانى دايما كنت ارسم قدامهم رسومات بهجه وفرح عشان كده لقبونى بكائن السعاده
رسوماتك هل هي زيتيه ام رصاص ام فحم…؟
رسوماتى فحم ورصاص والوان ودى اقرب الخامات لقلبى لانى مش من هواة الفرشاه والزيت
تباعا للسؤال السابق ايه اكثر نوع تفضيله… ؟
اكتر نوع بفضله هو الرصاص طبعا لانه من اكتر الخامات المريحه فالتعامل وبتقدرى تطلعى منها لوحه جميله
كل فنان بيكون حسه راقي بيلمس الأشياء ويرعاها برؤيته أوصفي رؤيتك…؟
رؤيتى للاشياء دايما بتكون من زاويه فنيه ان دايما شايفه كل حاجه ينفع تترسم وتبقي لوحات فنيه يخلدها التاريخ
طبعا رسوماتك بتدل على موهبتك هل الموهبه كان معاها تدريب في أماكن متخصصه… ؟
انا موهبتى ادربت واشتغلت عليها مع نفسي ومن خلال اليوتيوب لحد ما تمكنت
من مستوى كويس بس من ضمن خططى الفتره الجايه انى اخد كورسات تطوير اكتر واكتر
تفضلين الرسم على الحرير اما الورق… ؟
الخامه اللي بفضل الرسم عليها هى الورق طبعا وده لانه سهل جدا اذا اخطأه امسح اللي عملته من اى خطأ واصححه بسهوله
كل إنسان بيقي لي الوان مفضله كونك فنانه اي الألوان تميل لها… ؟
الالوان المفضله عندى هى الالوان الخشبيه ودى اللي بشتغل بيها حاليا في بعض رسوماتى
عندك مواهب أخرى غير الرسم… ؟
اه طبعا اى حد فنان الفن بيخلق جواه انواع كتيره من الفن غير الرسم
انا بحب التصوير جدا وحاليا بتعلمه كنوع من الفن بجانب الرسم
بتحملي ونفسك في ايه… ؟
بحلم بجاليرى كبير يضم اعمالى واعمال اى ست وبنت فنها مش ظاهر ده طبعا بجانب السفر حول العالم عشان اكتسب خبرات جديده ف الفن بأنواعه.
بشكر فاطمه الهوارى علي الحوار وأريد القول أن الفن تعبير عن روح طموحة وموهبه متميزه بمزيد من النجاحات للمواهب الشبابية.