….حاسب ياقلبي..
مالك ياقلبى مصدوم ف حبي
بتدارى ليه وتخبي
خايف تقول بيخدعك
وسنين فحبه يلوعك
حاسب ياقلبى حاسب ياقلبى
لايجى يوم ويضيعك
………. …………
ياقلبي ماتحبش قوى
الحب عزابه يقتلك
ياقلبى ولا تكره قوى
مافيش قلوب تتحملك
وتنجرح ماحد ينفعك
تصرخ ماحد يسمعك
ألمك ف قلبك يوجعك…..
……. ….. …..
ياما قلت لك ده بيخدعك
وسنين ف حبه يلوعك
حاسب ياقلبى حاسب ياقلبى
لايجى ف يوم ويضيعك
…………………………
سلمته روحك ملكته قلبك
وجاى فاكره مخلص لحبك
ضعفت والله والضعف غلبك
وكان هواه اقوى منك
خلاك يادوب وصيف لقلبه
فأى لحظه يستغنى عنه
وانت لسه عشمان ف حبه
….. …… ……
خايف تقول بيخدعك
وسنين ف حبه يلوعك……..
………………………
يوم يقربك ويوم يبعدك
يوم يسعدك ويوم يألمك
عمال بقلبه يمرجحك
يودى فيك ويرجعك
وصابر ياقلبى على قسمتك
وتبوح لمين بشكوتك
عمال تذيد ف محبتك
وهو يذيد ف قسوتك
….. ….. ….
خايف تقول بيخدعك
وسنين ف حبه يلوعك
حاسب يا قلبى حاسب يا قلبى
لايجى ف يوم ويضيعك
………………………….
